صفات المقارنه في اللغه الانجليزيه

درس صفات المقارنة في اللغه الانجليزيه Comparative Adjectives , أهلا بيك الاول :)
ان شاء الله النهاردا هنعرف ازاي نقارن بين حاجتين باللغه الانجليزيه . ملخص الموضوع اننا لما بنجي نعمل مقارنه
فاحنا قدام 3 حالات فقط وهم:

1- ان الحاجتين يكونوا متساوين
2- ان حاجه أفضل من حاجه
3- ان حاجه هي الافضل علي الاطلاق

والصوره دي بتوضح الموضوع بشكل مبسط

وملخص الشرح بردوا هو :
1- في حالة المساواه بنستخدم قاعدة ( as صفه as )
2- في حالة ان حاجه أفضل من حاجه بنستخدم قاعدة ( er than...)
3- في حالة ان حاجه هي الافضل علي الاطلاق بنستخدم قاعدة ( the ....est )

زي مثلاً :

1- Ahmed is as old as Ali ...ودا معناه ان أحمد في نفس سن علي

2- Ahmed is older than Khaled.... ودا معناه ان احمد أكبر سناً من خالد

3- Ahmed is the oldest boy in the class ....ودا معناه ان احمد هو الاكبر سناً في الفصل

طبعا دا ملخص الموضوع
في الفيديو دا هتفهم الموضوع بشكل كامل وسهل ان شاء الله

وكالعاده أهم شئ علي الاطلاق هو انك تختبر نفسك بعد مشاهدة الفيديو من خلال حل الـ Quiz اللي تحت الفيديو

Enjoy :)