أهلا بيك في درس جديد من دروس أونلاين , ان شاء الله النهاردا درس غريب شويه عن الدروس أو الفيديوهات اللي بنعملها
النهاردا هنتكلم عن أفضل طريقه للمذاكره في الثانويه العامه أو الكليه ..!!؟؟؟
عنوان مهم أو موضوع مهم تقريبا لكل الناس سوء في الثانويه العامه أو الكليه أو حتي بتحضر ماجستير أو بتاخد كورس....الخ ومش عارف تركز أو تذاكر أو حاسس ان التحصيل بتاعك قليل جدا .
الموضوع دا مهم بشكل أكتر للناس اللي في الثانويه العامه , لأن الضغط عليهم بيبقي أكتر من أي حد والتخبط في أساليب المذاكره وتجربة كذا طريقه و وصوله في النهايه للإحباط والإكتئاب, لأنه ببساطه " مش عارف يذاكر" .
وما يسري علي طلبة الثانويه العامه يسري علي الكل لكن الضغط النفسي بيقل طبعا
أنا ان شاء الله في الفيديو دا هشارك معاكم تجربتي مع المذاكره في الثانويه العامه , والحمد لله الطريقه نتائجها كانت ممتازتقدر تقول انها ساعدتني أطلع الاول في الثانويه العامه وأجيب مجموع عالي.
الفيديو دا مش تنميه بشريه او كلام غير عملي , الفيديو دا عباره عن خلاصة تجربتي مع المذاكره في الثانويه العامه.