أهلا بك في فيديو جديد من دروس أونلاين :)
ان شاء الله النهاردا فيديو خفيف لكنه مفيييييييد بصوره خياليه , هنتعلم النهاردا طريقه سهله , سريعه و عمليه هتساعدك كتيييير في تحسين لغتك الانجليزيه في وقت قصير .
الطريقه مش جديده وكنا شرحناها في فيديو سابق وهو : تعلم الانجليزي من الافلام
ولكن فيه ناس مش عندها الوقت الكافي انها تطبق الطريقه دي , أو بتمل بسرعه وعشان كدا فكرنا في بديل للموضوع دا والحقيقه ان البديل في حد ذاته طريقه أكترمن ممتازه لأنها تشمل كل نقط قوة مشاهدة الافلام بالاضافه انها هتوفر عليك وقت كبييير جدا
ملخص الموضوع
انت هتحسن الانجليزي من خلال فيديوهات TED .
طيب ايه هي TED ؟
TED هي اختصار لـ Technology , Entertainment and Designوهي منظمه غير ربحيه تسعي لنشر المعرفه وأخر الابحاث والاكتشافات العلميه والتكنولوجيه والتجارب الاجتماعيه بصوره مختصره وممتعه و مبسطه
وهي من أفضل الحاجات اللي موجوده علي الانترنت بكل صدق
طيب ازاي هنستفاد من خلال TED في تحسين الانجليزي بتاعنا ؟
الموضوع سهل وبيتلخص في 3 خطوات وهما :1- شوف الفيديو بالترجمه العربي
2- شوف نفس الفيديو بالترجمه الانجليزي
3- شوف نفس الفيديو من غاير ترجمه
لو حاسس انك متلغبط أو مش فاهم أو مش عارف تطبق الطريقه , شوف الفيديو دا و Enjoy :)